Табынды жылқы шаруашылығы технологиясымен жайлымды тиімді пайдалану негіздері
Авторы: Нұрышев М.Ж.
Издательство: EDP Hub (Идипи Хаб), Ай Пи Ар Медиа
Аталмыш еңбекте қазақ жылқысының адай экотипіндегі жылқыларының өнімділік сапасы мен кейбір биологиялық ерекшеліктеріне арналған отандық, шетелдік ғалымдардың теориялық және тәжірібиелік материалдары мен автордың өзіндік зерттеулері алғашқы рет жалпыланып, соның негізінде таза тұқым асырау барысында ет және сүт өнімдерінің сапасын арттырудың заманауи әдіс-тәсілдері әзірленіп көрсетілген. Сонымен қатар өндіріске жылқылардың генетикалық тұрғыдағы өнімділігінің айқын көрініс табуына септігін тигізетін технологиялық амалдарды атап көрсету де мақсат тұтылған. Тәжірібиелік деректер негізінде алғашқы рет адай экотипіндегі жылқылардан таза тұқым алу әдісі арқылы Арал-Каспий шөлді өңірінде жоғары сапалы ет өнімі алынатын жануарлар тобын шығару мүмкіндіктері теориялық тұрғыдан негізделіп, практикалық тұрғыдан толық дәлелденген. Адай экотипі жылқыларының өнімділік сапасын жетілдірудің тиімді технологиялық амалдары әзірленген. Автор алғашқы рет Арал-Каспий өңірінің кеңбайтақ кеңістігіндегі адай жылқылары бойынша материалдарды жинақтап бір жүйеге келтірген. Кітап материалдарын өзге де материалдармен бір кешенде түбегейлі зерделеу осындай бағыттағы мәселенің толыққанды шешімін табуға жол ашады деген пікірдемін. Аталмыш оқу құралы материалдары жайылымды мал шаруашылығын, оның ішінде табынды жылқы шаруашылығын дамыту арқылы экологиялық тұрғыдан таза азық-түлікпен қамтамасыз ету үшін де қажет. «Жылқы шаруашылығы» пәнін оқитын «Мал шаруашылығы» даярлау бағытындағы жоғары білім беру студенттеріне ұсынылды. Оқу құралы агробиологиялық ғылым саласындағы мамандар, зооинженерлер, агроэкологтар, аграрлық және басқа да классикалық жоғарғы оқу орындарындағылар студенттері мен магистранттарына арналған. Бұл еңбек мал шаруашылығы өнімдері өндірісі селекциясы мен технологиясы бойынша оқу құралы ғана емес, анықтамалық құрал ретіндеде қолданыс таба алады. Жалпы оқырмандардың да қызығушылығын тудыра алады.